L’ Uniun Sport Amatoriala á tigni ai 23 de merz süa reuniun generala anuala. La reuniun generala é stada na ocajiun por ćiarè zoruch al’ativité dl ann passè y por portè dant le program preodü por l’ann corënt.
In sera él gnü fat en amichevole cuntra la scuadra da Rina che süga te 2° categoria. Le Rina se á prjentè a La Val cun passa 20 sogadusc y a podü meter ite jënt frësca tl secundo tëmp. La Val ê contati, cun 12 sogadusc. Mo porchël an udü na gran scuadra da La Val. La partida é gnüda davagnada da La Val por 5 a 3. Ciche i sogadusc da La Val mëss ciamó en pü mëter averda é dessigü sön i "calcio da fermo". Dui di 3 goi dl Rina é nasciüs o da en angolo o sön na puniziun. La Val á mustrè en bel jüch cun la pala bassa. I goi é gnüs fac da David 1, Freddy 1, Romeo 2 y en autogol.
1° part. ritorno campionat 2012/13 por La Val
In sabda santa ai 30 de Merz él gnü sughé, dô che al é stè "spielfrei" la prüma partida dl ritorno dl campionat 2012/2013 de 3° categoria por La Val. La partida é gnüda sugada te ćiasa cuntra la scuadra da Gais.
Cun Merz el stè Egon Frenes che á tut le post de Florian Rubatscher tl Cunsëi dl Uniun dl Sport da La Val. Düta la Uniun ti disc giulan dla inciaria tuta sö.
In alleghé pon ciafé l'calënder dles partides dl ritorno di campionać ulache al süga sogadusc da La Val. 
