Danter la nöt dl 14/07/2012 y 15/07/2012 él gnü sughé a La Val la 14° ediziun dl Torneo d' Nöt. In chësc ann ne é nia stè le tëmp sön la buna pert, mo porchel él impó garatè en bel torneo y na bela festa. Ince chësc ann el stè na scuadra ladina che é stada buna da portè a ćiasa le prüm post, sciöche l'ann passè.
I Ladins röia zoruch dal Europeada dles mendranzes cun na bela esperiënza. Ince chësc iade él "Südtirol" che é bugn da se portè a ćiasa le titul davagnan la finala por 3 a 1 cuntra i Roma dl Ungheria. Tl Grup C é ruvá i Ladins secundi, mo al ne é impó nia bastè por passè inant, deache al ê ma 3 scuadres sön 4 (secundes) che é ruvades inant.
l’Uniun Sport Amatoriala da La Val organisëia por le cuinto iade, en colaboraziun cun les atres uniuns sportives de nosta valada, n „camp“ de n’edema por düć i mituns che soga al palè, tigní dal’Associaziun “Viagginsport” da Firenze che é spezialisada ti alenamënć di mituns.
Ai 10 de jügn él gnü prejentè la scuadra ladina che fajará pert al "Europeada dles mendranzes", jö tl Istitut Ladin Micurá de Rü a San Martin. Al prejentaziun á ince fat en discurs le assesur Florian Mussner, ulache al é ince mustrè l'interesc por organisé tl dagní l' Europeada chiló da nos, tles valades ladines.
Dô che la scuadra di Under 15 dl Val Badia, alenada da Miribung Eppe, à batü tla semifinala a Eppan le Ridnanuntal por 2 a ,1 esi ruvà te finale cuntra la scuadra da Jenesien. La finala é gnüda sogada inier ai 10.06.2012 a San Scimun. Dô na gran partida, combatüda cina ala fin, à davagné i ladins ai rigori.
