Resultać andates campionać VSS 2011
I campionać VSS ulache sogadusc da La Val süga é ruvá ala fin. Dessot pon ciafé les tlassifiches finales dl andata. Pro i Under 13, Under 11 y Under 10 gnaral fat por le ritorno atri gioroni. Ulache al toma ite spo les mius scuadres pro les mius y cheres manco bunes pro les manco bunes. Chësc sistem an udü che funziunëia dër bun, insciö é ince les scuadres manco bunes che á plü poscibilitês da davagné tl ritorno. Sciöche i giorni vëgn formá él ćiamò da udëi.
Deplü
In aleghé pon ciafè la tlassifica dô les andates dla Copa Disciplina ulache al vëgn dè punć (penalisaziun) de disciplina ala scuadra. Te chësta tlassifica ne röia nia ite la scuadra che á fat plü punć mo la scuadra che se á cumporè plü bun, sia te campo che fora de campo. 
L'U.S. La Val organisëia indô le curs de schi por mituns dla scora elementara y eventualmënter inće dla scolina. Le curs gnará tigní dala Scora de Schi da La Ila (Simon Dapoz). Al é preodü da mëte man ai 07.01.2012 y le curs jará inant vigni sabeda por indüt 10 iadi. 
De jügn dl ann che vëgn gniral tigní tla Germania la secunda ediziun dla Europeada, l’ campionat de palon dles mendranzes d’Europa. In chësc ann saral ince na scuadra metüda adüm da sogadusc y acompagnadusc ladins dl Sela.
