Ultima partida andata campionat 2011/2012 por La Val
In dumënia ai 13 de Novëmber él gnü sughé l'ultima partida dl andata dl campionat 2011/2012 de 3° categoria por La Val. La partida é gnüda sugada fora de ćiasa cuntra la scuadra da Aicha, che é prüma te campionat y che á fat i plü goi te ćiasa. Porchël savô bel i soadusc da La Val che al ne foss zigü nia stè na partida saurida.
In dumënia ai 06 de Novëmber él gnü sughé la decima y penultima partida dl andata dl campionat 2011/2012 de 3° categoria por La Val. La partida é gnüda sugada te ćiasa cuntra la scuadra da Percha, che ne é mai stá cis aversars na se fá saurí. Percha é te tlassifica al bun 3° post, mo degügn ne á ćiamò capí sciöche ai a fat da ruvé tan inant, suradüt cun le bur sughé che ai á. Mo in chësc ann ti eres jüdes dütes cantes bunes.
In dumënia ai 30 de Otober él gnü sughé la nona partida dl campionat 2011/2012 de 3° categoria por La Val. La partida é gnüda sugada fora de ćiasa cuntra la scuadra nöia in chësc ann da Olang. Scuadra che La Val á bele incuntè le prüm turno de Copa y ulache ai é spo ince passá inant. Dô le bel secundo tëmp dl ultima partida urô La Val proseguí insciö, por portè a ćiasa chisc punti tles ultimes partides dl andata.
In dumënia ai 23 de Otober él gnü sughé la otava partida dl campionat 2011/2012 de 3° categoria por La Val. La partida é gnüda sugada fora de ćiasa cuntra la scuadra da Prettau. Na scuadra che é gnüda metüda sö nöia chësc ann y porchël ria da calculè. Mo sciöche an á bel udü tles ultimes partides, ne él degüna scuadra che scinca punti saurisc.
In mercui ai 19 de Otober él gnü sughé le ritorno dl 2° turno de Copa Provinzia 2011/2012 de 3° categoria por La Val. La partida é gnüda sugada indô cuntra le Gais fora de ćiasa, sön en campo rî y ulache les condiziuns dl tëmp ne é nia stades ideales. Mo dô la vitora te ćiasa por 3 a 2 é jüda la scuadra a Gais por passé le turno.
