I campionać VSS ulache sogadusc da La Val süga é ruvá ala fin. Dessot pon ciafé la tlassifica finala. Pro i U10 él ince gnü fat atri gironi por les partides dl ritorno y porchel vëgnel ma sughé üna na partida cuntra i aversarsc, nia andata y ritorno.
I campionać FIGC ulache sogadusc da La Val süga é ruvá ala fin. Dessot pon ciafé les tlassifiches finales. Pro i Juniores, A-Jugend y i Esordienti él gnü fat atri gironi por les partides dl ritorno y porchel vëgnel ma sughé üna na partida cuntra i aversarsc, nia andata y ritorno.
L' Comun da La Val á ringrazié düt le "staff" dla scuadra dla 3.categoria (cun le presidënt Alex Alton, le responsabl dla scuadra Rubatscher Klaus y düć i sogadusc) por la buna sajun stlüta jö in chësc ann 2010/2011. Por udëi la lëtra, firmada dal Ombolt Dr. Franz Complojer y dal referent por le uniuns Sepl Miribung, drüca sön le pdf injunté: Letra_Ringraziament_dl_Comun.pdf
Spareggio por la 2. categoria
In mercui ai 08 de Jügn él gnü sughé l' spareggio por jí sö te secunda categoria. La partida é gnüda sugada cuntra la scuadra da Wiesen sön le campo neutro da Vahrn. Dô la bela finala de in dumënia á chësc iad La Val messé udëi ite suradüt la stanchëzza ćiamò dal' ultima partida.
U.S. La Val scri storia: CAMPIUNS DLA PROVINZIA 2011
In dumënia ai 05 de Jügn á la scuadra da La Val scrit storia sciöche prüma scuadra ladina da tres, che davagna la finala de Copa Provinzia. La partida é stada en "crimi" sciöche an disc tl calcio. Do en svantaje de 2 a 0, é buna la scuadra da La Val da recuperé, davagnan 3 a 2 al 122° menüt.
