Le U.S. La Val in colaboraziun cun l’alenadú Davide Moling mët indo a jí na scora dl palé, cun le fin de fa conësce ai mituns y mitans interescià le monn dl palé y insigné les basi fondamentales de chësc bel jüch de scuadra.
Les sesciuns de alenamënt metará man de setëmber cina dezëmber söl ciamp dal sport y te palestra a La Val. Ala scora dl palé pudarà tó pert mituns y mitans dai 5 ai 8 agn.
Dessigü é chësta na ocajiun por podëi imparé valch de nü y pudëi insciö crësce adüm te n grup.
L'Uniun Sport La Val, en colaboraziun cun le F.C. Südtirol, à organisé ince chësc isté, plö avisa dai 12 ai 16 de messé, la cuarta ediziun dl’ „Alperia Junior camp“.
Sciöche preodü dala lege n. 124/2017 vegnel publiché chiló dessot les somes di contribuc acreditades da pert dles aministraziuns publiches tratan l’ann 2020 a nosta uniun (C.F. 81009280215):
Come previsto dalla legge n. 124/2017 si pubblica di seguito gli importi dei contributi erogati da parte delle pubbliche amministrazione nell’anno 2020 alla nostra unione sportiva (C.F. 81009280215):
Laut Wettbewerbsgesetz Nr. 124/2017 werden hiermit alle vom Sportverein Wengen erhaltene Beiträge im Jahr 2020 von öffentlichen Verwaltungen veröffentlicht (C.F. 81009280215):
En chësc ann á albü i mituns dai 5 ai 8 agn la poscibilté da jí ala scora de palé da setëmber cina a la fin de messé. A ti porté dant les regoles y la tecnica basilara de chesc sport é sté Davide Moling, che ti é sté dlungia ai mituns tratan i alenamënc te palestra y tl ciamp dal sport a La Val. Ai á podü imparé les abilites cun le palé, mo ince ci che al ó dí sté te grup y se confrunté cun le "fair play". La scora de palé gnará tignida ince proscimo ann por düc chi che éss interess da fá cunësce al möt/möta chësc bel sport. Les iscriziuns por l'ann che vëgn, gnará publicades sot ala plata U.S. La Val. Dilan a düc por osta colaoraziun y a se odëi le proscimo ann.
Uniun dl Sport La Val – ativité ann 2020
Ince por l’Uniun dl Sport é l’ann 2020 sté en ann particolar. L’ativité é gnüda limitada cotan a gauja dl’emergënza sanitara, che s’á metü a confront cun de vigne sort de problematiches y restriziuns. Cun l’aiüt de düc canc era impó jüda da tigní inant i punc prinzipai preodüs dal program bel dal mëteman dl’ann y da ti pité inant de vigni sort de ativites sportives ala jënt dl paîsc, ince sce te na forma limitada.
