Ai 06 de Merz el gnü organisé la gara dla lüsa dles uniuns it en Ramëi. In chësc ann el gnü na novité la pró, al é ince gnü organisé na gara de schi da tour, che valo spo sciöche combinata por la tlassifica dles Uniuns. Düt adüm êl 7Uniuns: Stüdafüć, Uniun dl Sport, Musiga, Uniun Ei, Uniun Eres, Schira Jonila y Peiapesc. Dales 14:00 à i concorënć podü piè jö por la bela pista dla lüsa Aôi.
In sabeda ai 05.03.2011 él gnü sughé la terza amichevole de calcio por la scuadra da La Val. Le campo ne é nia sté cis praticabile, üna na porta á messe gní spostada por evité de sughé sön la dlacia, che pudô ester dër prigorosa. L'amichevole é gnüda sugada cuntra Franky Boys (Freizeit da Pfalzen, ulache al süga deplü ex-sogadusc de 1° categoria y 2° categoria). Dô le prüm tëmp stera 3 a 1 por La Val, cun dui goi de Verginer Franzi y un de Elzenbaumer Alex. La partida se á stlüt jö sön le 6 a 4 por La Val. I atri trëi goi é gnüs fać un da Sottara Freddy, un da Elzenbaumer Alex y un da Schuen Filippo. La proscima amichevole sará ai 12.03.2011 dales 15:00 cuntra Pfalzen, che süga tla 2°categoria.
2° amichevole 3. categoria 2011
In mercui ai 02.03.2011 él gnü sughé la secunda amichevole de calcio por la scuadra da La Val. Le campo ne é nia sté cis praticabile, üna na porta á messe gní spostada por evité de sughé sön la dlacia, che pudô ester dër prigorosa. L'amichevole é gnüda sugada cuntra Neustift, scuadra che süga ince te 3. categoria te en ater girone. Dô le prüm tëmp stera 1 a 0 por Neustift che á fat le goal al 25°. La Val é stada buna da stlü jö la partida cun en pareggio 1 a 1, le goal é gnü fat da Rubatscher Florian ala fin dl secundo tëmp. La proscima amichevole sará ai 05.03.2011 dales 15:00 cuntra Franky Boys (Freizeit da Pfalzen).
Landesmeisterschaften lüsa alta
La sajun 2010/2011 se é stlüta jö cun les Landesmeisterschaften sön la pista Pfösl a Deutschnofen. La sabeda ai 26.02.2011 él gnü fat les proves y la prüma proa sot a en beliscimo tëmp. La dumënia el gnü fat la secunda gara sot ala nëi. Pro condiziuns de gara tan descvalies el ma atleć cun na gran esperienza che podô ruvé ti prüms posć. Düt adüm él sté 146 partezipanć. Pro la lüsa dopla él sté Siegfried y Gehrad Lantschner che á davagné. Pro la lüsa singola dles ëres él ste l' "Europameisterin" Gamper Reinhilde che á davagné, Reinhilde á insciö davagné dütes les gares che ara á fat tla sajun 2010/2011. Erlacher Iris (scuadra da La Val) se á piazé al buniscimo 3. post. Iris se á ince piazé al bun 2. post general te süa categoria.
In chësc ann vëgnel fat la gara dla lüsa ai 06 de Merz 2011 sön la pista "Ramëi". Lapró vëgnel fat na gara de ski da tour, che vêl ince sciöche combinata. La partenza por les dös gares á dales 14:00, por chi dai ski da tour él la partenza it a côz, dala medema ora. La tlassifica dles Uniuns vêl ma por la combinata cun almanco 2 + 2 partezipanć por Uniun.
