Ai 05 y ai 06 de furá él gnü tigní a Latzfons la 3. gara dla lüsa dl Südtirolcup 2011. Tschaffert Diego (da La Val) á indô mustré che al é le miú al mumënt. Insciö al davagné dütes les gares dl Südtirolcup. Cun chësta terza vitoria al ince davagné la valutaziun generala 2011. Diego jará ince insciö sciöche favorit ales "Europameisterschaften" proscima edma a Oberfuss te Austria. Interessant é che le miú tëmp ne é nia sté Diego che á fat, mo Gamper Reinhilde, che á ince davagné la valutaziun generala 2011. Gauja de chësc bun tëmp de Reinhilde é stada la pista, cun les temperatüres che jê tres plü sö, él la pista che á dé dô y insciö ne é plü degügn stá bugn da ruvé pormez a chël tëmp.
L'Uniun Sport Amatoriala La Val mët a jì da in jöbia ai 10 de furà 2011 inant cina Pasca n curs de ginastica de condiziun tigní da Simon Dapoz. L'curs é ideè por ëi y ëres de vigni eté y se basëia söl mioramënt dla resistënza, dla forza, dla mobilité y dla coordinaziun. Orar: dales 18,30 ales 19,30 te palestra da La Val. Al basta se presentè söl post sënza prenotaziun.
1° Trofeo Ladin de liösa alta
Ai 22 y ai 23.01.2011 él gnü tigní a Lungiarü le 1° Trofeo Ladin de liösa alta.
I cuarti de finala dla Copa Provinzia dla 3. categoria mët man ai 30/03/2011. La Val é ruvada pro en triangolare cun Mareo y Barcellona. La prüma partida gnará sugada tra La Val y Mareo sön le campo da La Val ai 30/03/2011 dales 20:00. La secunda partida cuntra le Barcellona vëgn sugada a Balsan (Resia) ai 20/04/2011 dales 20:00.
Por gauja dles temperatüres masa altes tl ultima edma, ne él nia sté poscibil da fá la gara a Jaufental sciöche ara foss stada programada. Insciö él gnü fat la 2° gara dl Südtirol Cup 2011 a Deutschnofen sön la pista Pfösl Riep. Les condiziuns é stades otimales, chel pon ince udëi dai tëmps che é gnüs fać, prësc te vigni categoria él gnü metü sö en nü record dla pista. Diego Tschaffert (che á bele davagné la prüma gara a Olang) é sté bun da jí le prüm iade sot al menüt a Deutschnofen, cun en tëmp de 59,97 al metü sö le record asolut cht tignî bel dal 2007.