Ai 30 de October se á stlüt jö le campionat andata di Juniores. La scuadra metüda adüm da sogadusc da La Val y da Al Plan se a plazé al penultim post te tlassifica (mo le important é che cun chësta eté pon sughé y se fá l'esperiënza por jí dopo a sughé pro la gran scuadra). Tl ritorno gnaral indô metü adüm de nüs gironi, ulache les scuadres prümes te tlassifica te vigni girone se metará adüm cun les prümes di atri gironi.
In dumënia ai 31 de Otober él gnü sughé la nona partida dl campionat 2010/2011 de 3° categoria por La Val. La partida é gnüda sugada fora de ćiasa cuntra le San Laurënz (che é terza tla tlassifica dl campionat). La partida è jüda fora 6 a 1 por le San Laurënz, na partida completamënter da descmentié por i sogadusc da La Val, spezialmënter le secundo tëmp.
Ai 23 de October se á stlüt jö le campionat andata di Under 10. La scuadra da La Val se a plazé al 5. post. Tl ritorno gnaral indô metü adüm de nüs gironi, ulache les scuadres prümes te tlassifica te vigni girone se metará adüm cun les prümes di atri gironi.
In dumënia ai 24 de October él gnü sughé l' otava partida dl campionat 2010/2011 de 3° categoria por La Val. La partida é gnüda sugada in ćiasa cuntra la Val Badia (scuadra che é gnüda metüda sö nöia in chësc ann, formada bëgn da 8 paisc dla Val Badia). La partida è jüda fora 2 a 0 por la Val Badia. Cun chisc trëi punć lasciá sön trú, se porta la scuadra da La Val al 6° post te tlassifica.
La partida che éss messé gni sogada in Sabda ai 16 de October cuntra le Raas, é gnüda spostada por la mort ten inzidënt den sogadú dl Raas. La partida gnará recuperada ai 10 de Novëmber dales 20:00 a Raas.
