In chësc ann él bëgn 12 scuadres che tol pert al campionat te 3° categoria girone C. L'ann passé nun el ma 9. Gnü la pró él Frenzensfeste, Lüsen, Gossensass, St. Lorenzen (che é tumá jö dala 2°categoria), Wiesen y Val Badia ulache Alta Badia y San Martin se á metü adüm. Chësc gnará sigü en campionat dër combatü por jí sö te 2°categoria.
Danter la nöt dl 31/07/2010 y 01/08/2010 él gnü sughé a La Val la 12° ediziun dl Torneo d' Nöt. In chësc ann é jü le prüm post ala scuadra "Maphia", che á davagné le pozer l'ultim ann. La scuadra "Maphia" é stada buna da bater la scuadra dl Bracun Team ai suplementari cun 5:4.
In alleghé ciafun le pdf di gironi cun dütes les scuadres por l' Torneo d' Nöt. Dato che in chësc ann él ma 4 scuadres por girone met man le Torneo en ora plü tert, plü avisa dales 18.00.
Tla nöt danter i 31.07.2010 y i 01.08.2010 vëgnel soghé söla plaza dl sport Plans a La Val la dodicesima ediziun dl torneo dl palè de nöt, organisé dala Uniun dl Sport Amatoriala La Val. Le numer de scuadres che pó tó pert è limité a 20. Les scuadres gnará partides sö te cater rodi da cinch, olache vignüna mëss soghé contra les atres cater. Mâ les prümes does scuadres de vigne rode pudará soghé inant söi prüms posć, les terzes y cuartes classificades pudará soghé inant sön le “pozer”, na sort de rode de consolaziun. L’ ultima de vigni roda toma fora definitivamënter.
