Ai 18.04.2010 él gnü sughé la secunda partida pur La Val cuntra Mühlwald fora de ćiasa. Do da la sconfitta cuntra l' Alta Badia é stada buna la scuadra da La Val da purté a ćiasa la prüma vittoria dl ritorno. Cun chisc trei punć se porta La Val al 5. post, cun na partida demanco. La partida cuntra Mühlwald è jüda fora 1: 3 pur La Val. Ara á metü man atira cun en gran ritmo, suradüt chi da La Val é sta bugn da fa pressing sön le aversar. Le prüm gol é gnü fat da Ploner Werner (che é gnü zruch dala scualifica pur soma de amoniziuns ) Frenes Michael á trat na puniziun e le portier ne é nia ste bun da sla tigní, Ploner é sté le plü svelto da ruvé sön le pal y á isnsciö pudü le met te porta.
Ai 09/04/2010 él gnü organisé la reuniun generala dla seziun lüsa pur l'ann 2009. La reuniun á metü man cun le salüt dl president Deiaco Helmut, che á prejenté la situaziun de cassa y i movimënć dl 2009. Dopo él gnü prejenté l'ativité dl ann passé y l'ativité che gnará fata dl 2010. Tl proscimo ann gnaral cumpré lüses nöies y ćialzá nüs, deache al é suzedü plü gonot che mituns urô met man da jí cun la lüsa mo ai ne â nia i der ćialzá. Les lüses nöies gnará cumprades pur fa i cursc dla lüsa indo. Pur le 2010 saral indo La Val che pudará to pert al Ladiniacup (sciöche vigni ann él en paîsc che mess sté fora). En ater punt é sté le bal da carnescé y la gara dla lüsa dles Uniuns.
Ai 12.04.2010 él gnü sughé le derby La Val cuntra Alta Badia. La partida è jüda fora 1:2 pur i badioć, che se porta insciö a 4 punć dan da La Val che è segn quinti, cun na partida demanco. Da met man ne él nia ste granes ocajiuns da trames pertes. La prüma ocajiun á albü Sottara Freddy da La Val al 12° canche al se è azentré verso l’area tiran te porta, mo sön le portier y massa plan. La partida gnê plü co atra sugada a centrocampo. Al 20° él sté Rubatscher Florian che á trat fora en fallo dan l’area. La punizione è gnüda trata da Sottara Freddy mo che è jüda bun sura la traversa fora, sprecan insciö la occajiun da se porté in vantaje. Al 25° el gnü spo le goal dl Alta Badia. Al è gnü en cross dala pert ciampa, Tavella Giordan è ma ste bun dala spizuré cun le cé, purtan insciö fora traiettoria le portier da La Val Vallazza Merch.
Ai 31/03/2010 él gnü sughé la partida di U-15 cuntra Sexten. Al foss stada l' ultima dl ritorno, mo ara é gnüda anticipada, insciö po i sogadusc lascé dnant le campionat, che é bimbo lunch pur i U-15. Le US San Martin/La Val é jü in vantaje 1 a 0, mo i ultimi menüć dl secundo temp ne esi nia plü sta bugn da tigní le risultat y se á insciö ciafé dui gui, purdon 2 a 1.
In dumenia ai 14 de merz él gnü tigní la terza y ultima gara dl Ladiniacup a Lungiarü. Ala gara s'al iscrit 44 concorenć, che gnê da i cater paîsc La Val, Lungiarü, Antermeia y Gherdena. Le miú temp é gnü metü sö da Clara Matteo 01:34:03 y da Erlacher Daniela 01:34:03.
