Ai 30.05.2010 él gnü sughé l' otava y ultima partida por La Val cuntra le Mareo, fora de ćiasa. Le Derby de Rit sé á stlüt jö sön le 1 : 1 sciöche dal andata. Do da la vitoria cuntra le Gsies se porta La Val un en punto a ćiasa stlujon jö insciö le campionat 2009/2010 al 5. post, mostran insciö en bun miglioramënt da l' ann passé. Le derby é gnü sughé sön en campo nia de cis bunes condiziuns, do da la plöia dla sëra denant. Mo impó él sté na bela partida cun en grüm de tifosi che á urü ester para pro l'ultima partida de campionat.
Ai 16.05.2010 él gnü sughé la sesta partida por La Val cuntra Percha, fora de ćiasa. Do da la pordüda cuntra Niederdorf por 1 : 0 ne é nia plü stada buna la scuadra da La Val da oje la plata y porté na vitoria. La partida é jüda fora 4 : 0 por Percha. Cun chësta pordüda resta La Val al 5. post, adüm cun Mareo. Le ritorno por La Val á metü man bun, mo segn cun la terza pordüda indolater, cun chësta ultima che brüsc bimbo, cuntra i ultimi, é La Val en pü ten tëmp de crisa. Sëgn él ma plü da speré sön les ultimes dös partides, sura düt por le derby de Rit, cuntra le Mareo. Cun chisc trëi punć lasciá sön trú resta La Val al 5. post . La partida ne mët nia man bun por La Val. Percha röia atira da mët man dla partida in vantaje, cun en bel gol de cé sön en cross.
Ai 09.05.2010 él gnü sughé la quinta partida por La Val cuntra Niederdorf, in ćiasa. Do da la pordüda cuntra San Martin por 1 : 0 ne é nia plü stada buna la scuadra da La Val da oje la plata y porté na vitoria. La partida é jüda fora 1 : 0 por Niederdorf. Cun chisc trei punć lasciá sön trú resta La Val al 5. post . Ince sce le temp ne ê nia cis bun, êl impó en grüm de jent a ciaré pro. Scualificá é le alenadú Scalzini Marco y Ploner Werner. La partida ne met nia man bun por La Val. Niederdorf röia atira do da 2 min a na conclujiun, mo por furtüna ne röia le pal nia te porta. La difesa da La Val ne é nia buna da calcolé i lanci lunć di aversars, insciö mess Vallazza Merch gni fora deplü iadi fora dl'area a trá dmez le pal.
